Atyraýda 2 myń adamǵa azyq-túlik pen qarjylaı kómek berildi

ATYRAÝ. QazAqparat – Atyraýda Táýelsizdiktiń 30 jyldyǵyna oraı qolǵa alynǵan «30 ıgi is» aktsııasy aıasynda 2 myńnan astam adamǵa azyq-túlik pen qarjylaı kómek berildi, dep habarlaıdy QazAqparat.

Qaıyrymdylyq marafony Qazaqstan halqynyń birligi kúni qarsańynda «Abaı» ortalyǵynda ótti.

«Elimizde Táýelsizdiktiń 30 jyldyǵyna oraı «30 ıgi is» qaıyrymdylyq marafony ótip jatyr. Atyraý oblysynda da atalǵan aktsııa aıasynda kóp balaly otbasylarǵa, erekshe kútimdi qajet etetin balalardyń analaryna, jalǵyzbasty analarǵa kómek kórsetilýde. Meıirimdilik pen qaıyrymdylyq aktsııasy jyl sońyna deıin jalǵasady»,- deıdi oblys ákiminiń orynbasary Baqytgúl Hamenova.

Shara kezinde erekshe balalary bar analarǵa men kópbalaly otbasylarǵa 15 myń teńgeniń sertıfıkaty, azyq-túlik sebeti men gúl shoǵy tabystaldy. Osyndaı kómek oblystyń 2000-nan astam turǵynyna kórsetildi.

Solardyń qatarynda Mnýpar Jambylova da bar. Ol sal aýrýyna shaldyqqan nemeresin tárbıelep otyr.

«Qyzymnyń bes balasy bar. Onyń biri sábı kúninen sal aýrýyna shaldyqqan. Bes balany ósirý ońaı emes. Ásirese, erekshe qamqorlyqty qajet etetin sábıge aıryqsha kútim qajet. Sondyqtan, Saıda jıenimdi óz qamqorlyǵyma aldym. Jıenimdi emdetý maqsatymen Qazaqstandaǵy eń tanymal klınıkanyń bárine apardyq», - deıdi Mnýpar Jambylova.

Eske sala ketelik, budan buryn Táýelsizdiktiń 30 jyldyǵyna oraı Atyraýda «30 ıgi is» marafony bastalǵanyn habarlaǵan edik.