Atyraýda 14 290 adam «Eńbek» baǵdarlamasynyń qatysýshysy boldy

ATYRAÝ. QazAqparat – Atyraý oblysynda «Eńbek» baǵdarlamasyna qatysýshylar eki ese artty, dep habarlaıdy QazAqparat.

Oblystyq Jumyspen qamtýdy úılestirý jáne áleýmettik baǵdarlamalar basqarmasy mamandarynyń málimetinshe, bıylǵy 1 maýsymǵa deıin 14 290 adam «Eńbek» memlekettik

baǵdarlamasynyń qatysýshysy bolǵan. Ótken jylǵy osy kezeńde atalǵan baǵdarlamaǵa 6704 adam qatysqan.

​«Baǵdarlamanyń birinshi baǵyty aıasynda qysqa merzimdi oqý kýrstaryna 708 adam jiberildi. Ekinshi baǵyt boıynsha jańa bıznes-ıdeıalaryn iske asyrý úshin 160 adamǵa 200 aılyq eseptik kórsetkish mólsherinde memlekettik granttar men 102 adamǵa nesıe berildi. Al, úshinshi baǵytpen 12 739 adam qamtyldy. Onyń ishinde turaqty jumyspen 7 649 adam, áleýmettik jumys oryndarymen 348 adam qamtyldy. Sondaı-aq, jastar tájirıbesine 294 túlek, qoǵamdyq jumystarǵa 4 448 adam tartyldy», -dep habarlady basqarmanyń mamandary.

Eske sala ketelik, budan buryn Atyraý oblysynda 7060 adamǵa áleýmettik kómek taǵaıyndalǵanyn habarlaǵan bolatynbyz.