Atyraýda 12 kópqabatty úı salý jumystary toqtatyldy
05:00, 03 Aqpan 2020
ATYRAÝ. QazAqparat – Atyraýda 12 kópqabatty úıdiń qurylysy toqtatyldy, dep habarlaıdy QazAqparat.
Bul aqparatty sybaılas jemqorlyqpen kúres agenttiginiń Atyraý oblystyq departamentine qarasty basqarmasynyń bastyǵy Jánibek Qarajanov málim etti, dep habarlaıdy QazAqparat.
Onyń sózinshe, revızııalyq komıssııa 12 kóppáterli turǵyn úı qurylysyna jumsalatyn bıýdjet qarjysynyń paıdalanylýyna aýdıt júrgizgen. Tekserý barysynda 12 bıýdjettik turǵyn úıdiń joba-smetalyq qujattary boıynsha óreskel zańbuzýshylyqtar anyqtaldy. Qurylysty toqtatýǵa, al bıýdjet qarjysyn qaıtarýǵa týra keldi.
«Barlyǵy 50 mlrd teńgeden astam qarjyǵa aýdıt júrgizildi. 7,3 mlrd teńge boıynsha zańbuzýshylyqtar anyqtaldy»,-dep habarlady J.Qarajanov.
A.Sokolov