Atyraýda 107 myń adam 42 500 teńgeden aldy
17:00, 21 Sáýir 2020
ATYRAÝ. QazAqparat - Atyraý oblysynda 107 myń adam 42 500 teńgelik kómekti aldy, dep habarlaıdy QazAqparat.
Oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Serik Qamıdollanyń málim etýinshe, 42 500 teńgeniń áleýmettik tólemin alýǵa 141 037 adam ótinish bergen.
«Sonyń ishinde 118 996 azamattyń ótinishi maquldandy. Al, búginge deıin 107 340 adamnyń esepshotyna atalǵan somadaǵy áleýmettik tólem qarjysy tústi. Tótenshe jaǵdaı merziminiń uzartylýyna baılanysty áleýmettik tólem alýdy resimdeý áli de jalǵastyrylyp jatyr. Demek, azamattardyń ótinish berýine múmkindigi bar», - dedi ol.