Atyraýda 10 jasar bala energetıkalyq kámpıtten ýlanyp qaldy

ATYRAÝ. QazAqparat – Atyraýda energetıkalyq kámpıtten ýlanǵan bala qutqaryldy, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti habarlaǵandaı, on jasar er bala oblystyq aýrýhanaǵa es-tússiz kúıde jetkizilgen. Balaqaıdyń ata-anasy jaǵdaıdyń mán-jaıyn túsine almaǵan. Ol jansaqtaý bólimine jatqyzyldy. Jedel taldama nátıjesi quramynda kofeıni bar zattan ýlanǵanyn kórsetti. Tıisti em-dom sharalarynan keıin bala esin jınaǵan. Olar úıge kelgennen keıin jetkinshek «Flush UP» energetıkalyq kámpıtiniń birnesheýin satyp alyp jegenin aıtty.

«Qazirgi ýaqytta kishkentaı patsıenttiń jaǵdaıy jaqsy. Onyń ómirine qaýip tónip turǵan joq», - dep habarlady oblystyq densaýlyq saqtaý basqarmasy.