Atyraýda 1 myńnan astam jumysshynyń 263,8 mln teńge jalaqy qaryzy óteldi
Atyraý oblystyq memlekettik eńbek ınspektsııasy basqarmasy mamandarynyń málimetinshe , eńbekaqyny keshiktirý men tólemeýge jol bermeý maqsatynda júıeli monıtorıng júrgizilip keledi.
«Bıyl osyndaı birlesip atqarylǵan sharalardyń nátıjesinde 11 mekemedegi 1 018 jumysshynyń eńbek quqyǵy qorǵalyp, 263,8 mln teńge jalaqysy tolyǵymen óndirildi. QR Eńbek kodeksiniń talaptaryn saqtamaı, eńbekaqyny merziminen keshiktirgeni, tolyq tólem júrgizbegeni úshin mekeme basshylaryna zań buzýshylyqty joıý týraly 20 nusqama berildi. Mekemelerge qatysty 58 ákimshilik hattama toltyrylyp, 11,3 mln teńge aıyppul salyndy. Aıyppul tolyǵymen óndirildi», - dep habarlady atalǵan basqarmadan.
Eske sala ketelik, budan buryn Atyraýda kásiporyn jumysshylaryna 56 mln teńgeni keshiktirip tólegen edi.