Atyraýda 1 myńǵa jýyq adam «Otbasynyń tsıfrlyq kartasymen» áleýmettik kómek alǵan
Atyraý oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Kóńilqos Orysbaevtyń aıtýynsha, byltyrǵy qyrkúıekte «Otbasynyń tsıfrlyq kartasy» pılottyq jobasy iske qosylǵan.
«Bul jobany iske asyrýdyń basty baǵyty – memleket qoldaýyna muqtaj jandardy anyqtaý. Byltyrǵy 1 qyrkúıekten beri jaýapty mamandar áleýmettik tólemder men járdemaqy alýǵa tıesili azamattardyń derekterin jınaqtap, eskirgen aqparattardy jańartyp jatyr. Bul jumystyń nátıjesinde turǵyndarǵa tıesili memlekettik qoldaýdy tolyq kórsete alamyz», -dep habarlady Kóńilqos Orysbaev.
Onyń deregine qaraǵanda, bul júıege memlekettik járdemaqylardyń 9 túri jáne ataýly áleýmettik kómek taǵaıyndaý qyzmeti engizilgen. Atalǵan qyzmetter boıynsha 2129 adamǵa sms-habarlar joldanǵan. Onyń ishinde 953 adam aqparatty alǵanyn rastaǵan.
Byltyr «Otbasynyń tsıfrlyq kartasy» jobasymen 628 adamǵa ataýly áleýmettik kómek taǵaıyndalǵan. Al, bıylǵy jyl basynan beri osyndaı áleýmettik kómek alǵandar sany 328 adamdy quraǵan.
«Pılottyq joba kezeń-kezeńimen iske asyrylady. Máselen, ótken jyly járdemaqy men áleýmettik tólemderdiń 9 túri engizilgen bolsa, bıyl áleýmettik qorǵaý salasyndaǵy qyzmetter qosylady. Al, keler jyly densaýlyq saqtaý jáne bilim berý salalaryndaǵy memlekettik kepildikterdi engizý josparlanyp otyr», - dep málim etti Kóńilqos Orysbaev.
Eske sala ketelik, budan buryn Atyraý oblysynda «Otbasynyń tsıfrlyq kartasy» pılottyq jobasy iske qosylǵanyn jazǵan edik.