Atyraýda 1 mln medıtsınalyq maskany zańsyz satqandar áshkere boldy
10:55, 19 Naýryz 2020
ATYRAÝ. QazAqparat - QR QM Qarjy monıtorıngi komıtetiniń Atyraý oblysy boıynsha ekonomıkalyq tergeý departamenti jedel-izdestirý sharalary kezinde zańsyz kásipkerlik qyzmet faktisin anyqtady. Bul jaıynda vedomstvonyń baspasóz qyzmetine silteme jasap QazAqparat habarlaıdy.
«Tótenshe jaǵdaı kezinde Atyraý qalasynda bip top adam jalpy quny 313 mln teńge bolatyn 1 mln medıtsınalyq maskany satýmen aınalysqan. Alaıda, olardyń qolynda maskanyń zańdy jasalǵanyn dáleldeıtin qujat bolmaǵan. Bul fakt boıynsha sotqa deıingi tergeý bastaldy» delingen habarlamada.
Qarjy monıtorıngi komıteti medıtsınalyq maska men antıseptıkalyq zattardy satý kezinde negizsiz baǵany kóterý faktilerine kýá bolsańyz, myna senim telefonyna 8 (7172) 70-84-78 nemese Beıbitshilik kóshesi, 10 mekenjaıyna habarlasýdy ótinedi.