Atyraý JEO-syndaǵy apat tolyǵymen joıyldy
«Qazirgi ýaqytta magıstraldy qubyrjelisindegi tesik tolyq jabyldy. Jelini sýǵa toltyrý bastaldy. Qazirgi ýaqytta «Atyraý jylý jelileri» AQ jumysshylary qubyrlardaǵy gıdravlıkalyq qysymdy teńgerýmen aınalysýda, 1,5 saǵat ishinde Almagúl shaǵyn aýdanyndaǵy úılerde jylý qalpyna keledi. Sonymen qatar, qubyrdaǵy sý qajetti deńgeıge kóterilý úshin JEO-dan jylý jiberilý qajet», - dedi «Atyraý JEO» AQ prezıdenti Aıbar Rahmanov.
Eske sala ketsek, qaladaǵy JEO-da senbi keshke qaraı apat boldy. JEO aýmaǵyndaǵy eki magıstraldy qubyrdyń birinde 1,5 metr jaryq paıda bolyp, sý kete bastady. Shuǵyl túrde jylý jáne ystyq sý berý toqtatyldy. Oblys ortalyǵynda myńnan astam kóppáterli turǵyn úıler jylýsyz qaldy. Arada birjarym saǵattan soń apat saldary joıylyp, qalaǵa jylý jiberile bastaǵany habarlandy. Alaıda jeksenbi tańerteń qaladaǵy barlyq aýdandardaǵy úılerge jylý tolyq kelmegeni anyqtaldy. Jergilikti bılik jylý berýdi qalpyna keltirý áli tolyq aıaqtalmaǵanyn moıyndady.
«Atyraý JEO-dan qalanyń barlyq aýdandaryna jylý berý iske qosyldy. Qazirgi ýaqytta qala ákimdigi men PIK mamandary 9 jáne 16 qabatty turǵyn úılerdegi qysymdy qalpyna keltirip jatyr», - dedi oblys ákiminiń baspasóz hatshysy Serikjan Ermentaev.
Almagúl aýdanyndaǵy kópqabatty úılerdiń turǵyndary bir táýlikten astam ýaqyt jylýsyz jáne ystyq sýsyz otyrǵany jeksenbi keshke qaraı málim boldy. Atyraýdaǵy barlyq úılerde apatqa deıingi temperatýra qashan qalpyna keltiriletinin jergilikti bılik ázirge habarlamady.
Avtor: A. Sokolov