Atyraý JEO-da energııa berý qalpyna keltirildi

ATYRAÝ. QazAqparat - Atyraýdyń  sol jaǵalaýyna jaryq berildi, dep habarlaıdy QazAqparat tilshisi.

«Búgin, 2019 jyldyń 1 jeltoqsanynda saǵat 11.20-da Atyraý jylý elektr ortalyǵy týrbınalarynyń biri isten shyǵyp, energııa júıesi júktemesiniń júıeli shektelýine sebep boldy. Sonyń saldarynan Atyraý qalasy energııa tutynýshylarynyń bir bóligine jaryq berý toqtatyldy. Qazirgi ýaqytta qabyldanǵan sharalardyń nátıjesinde qurylǵy jumys istep tur. Týrbına jumysynyń rejimi qalpyna keltirildi. Atyraý qalasy turǵyndaryn jylýmen qamtýda irkiliske jol berilgen joq. Elektrmen jabdyqtaýdaǵy irkilis tolyqtaı qalpyna keltirildi», - dedi «Atyraý jylý elektr ortalyǵy» AQ prezıdenti Aıvar Rahman.