Atyraý turǵynyn talap tastaǵan alabaı ıtiniń ıesi anyqtaldy

ATYRAÝ. QazAqparat – Atyraýda er adamdy talaǵan alabaı tuqymdas ıttiń ıesi anyqtaldy. Oǵan ákimshilik hattama toltyryldy, dep habarlaıdy QazAqparat.

Buǵan deıin Atyraýda alabaı ıt er adamdy talap tastaǵanyn jazǵan bolatynbyz.

Oqıǵa Atyraý qalasyndaǵy Balaýsa shaǵynaýdanynda bolǵan. 14-kóshedegi jol boıynda beıqam turǵan er adamdy alabaı tuqymdas ıt talap tastaǵan.

Oblystyq polıtsııa departamenti baspasóz qyzmetiniń málimetine qaraǵanda, bul oqıǵa týraly 102 nómirine 18 qyrkúıekte túngi saǵat 23:50 shamasynda habar túsken.

«Atyraý turǵyny Balaýsa shaǵynaýdanynda belgisiz er adamdy ıt talap tastaǵany týraly habarlady. Turǵyndar ıt talaǵan er adamdy qolda bar qorǵanysh zattardyń kómegimen aman alyp qalǵan. Polıtseıler qabaǵan ıttiń ıesin anyqtady. Ol – 1965 jylǵy azamat. Oǵan qatysty QR Ákimshilik quqyq buzý týraly kodeksiniń 407-2 babynyń 1, 4-bólikterine sáıkes ákimshilik hattama toltyryldy», -dep habarlady departamenttiń baspasóz qyzmeti.

Al, oblystyq densaýlyq saqtaý basqarmasy baspasóz qyzmetiniń aqparatyna súıensek, zardap shekken er adamnyń jasy – 43-te.

«Zardap shekken er adam búgin, 19 qyrkúıekte túngi saǵat 01:41-de jedel járdem brıgasynyń kóligimen oblystyq aýrýhananyń travmatologııa bólimine jetkizildi. Oǵan ıt talady degen dıagnoz qoıyldy. Aıaǵy men qolynda kóptegen jaraqaty bar. Qazir jaǵdaıy birqalypty», -dep málim etti basqarmanyń baspasóz qyzmetinen.

Vıdeodan alynǵan kadr