Atyraý turǵyny úıiniń aýlasynda marıhýana ósirgen

ATYRAÝ. QazAqparat – Atyraýda úıiniń aýlasyna sora ósirgen turǵyn ustaldy, dep habarlaıdy QazAqparat.

Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń aqparatyna súıensek, esirtkige qarsy kúres basqarmasynyń qyzmetkerleri marıhýana ósirýmen aınalysqan turǵyndy anyqtaǵan.

«Ustalǵan kúdiktiniń mekenjaıy boıynsha aýlasyn tintý kezinde 10 túp ósimdik tabylyp, tárkilendi. Saraptama qorytyndysymen tárkilengen esirtki zatynyń 14 túp sora ósimdigi ekeni belgili boldy», - deıdi oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.

Qazir aýlasynda esirtki ósirgen úı ıesine qatysty QR Qylmystyq Kodeksiniń 300-babynyń 1-bóligimen sotqa deıingi tergeý bastaldy.

Eske sala ketelik, budan buryn Atyraýda 24 mln teńgeniń esirtkisin satpaq bolǵan dinı aǵym ókilderi ustalǵan bolatyn.