Atyraý turǵyny bank kartasyn taýyp alyp, dúkenderde saýda jasaǵan

ATYRAÝ. QazAqparat – Atyraýda 47 jastaǵy turǵyn taýyp alǵan bank kartasymen saýda jasaǵan, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, 1 qarashada 26 jastaǵy azamat bank kartochkasyn joǵaltyp alǵany týraly shaǵym túsirgen.

«Aryzdanýshy belgisiz adamnyń bank kartasymen Atyraý qalasyndaǵy birneshe saýda dúkeninde tólem júrgizgenin aıtqan. Osyǵan baılanysty polıtsııa qyzmetkerleri jedel-izdestirý is-sharasyn júrgizip, kúdikke ilingen 47 jastaǵy turǵyndy ustady. Qazir atalǵan derekke qatysty QR Qylmystyq kodeksiniń 188-babynyń 1-bóligimen sotqa deıingi tergeý júrip jatyr», - dep habarlady departamenttiń baspasóz qyzmetinen.

Eske sala ketelik, budan buryn Atyraýda beınekamera kómegimen 14 myńǵa jýyq quqyq buzýshylyq anyqtalǵanyn jazǵan bolatynbyz.