Atyraý turǵyndary 19 jáne 22 naýryzda avtobýsta tegin júredi
«Smart Atyrau» kommýnaldyq memlekettik mekemesiniń dırektory Arslan Aronovtyń aıtýynsha, Atyraý qalalyq ákimdigi men jolaýshy tasymaldaıtyn kásiporyndardyń basshylary osyndaı ortaq sheshim qabyldaǵan.
«Elimizde 19 naýryzda Parlament Májilis jáne ár deńgeıdegi máslıhattardyń depýtattaryn saılaý ótetindikten, bul kúni avtoýbstar jolaýshylardy tegin tasymaldaıdy. Atyraý qalasynyń turǵyndary men qonaqtary 22 naýryz – Ulystyń uly kúni de qoǵamdyq kólikte tegin júredi» -dep habarlady Arslan Aronuly.
Onyń málimetine súıensek, Atyraýda jolaýshy tasymaldaýmen aınalysatyn birneshe kásiporyn bar.
Qoǵamdyq kólikter 31 marshrýtpen jolaýshy tasymaldaıdy.
Atyraý qalasy men oǵan irgeles ornalasqan eldi mekenderge jolaýshy tasymaldaýǵa marshrýtqa kún saıyn 240 avtobýs jolǵa shyǵady.
«Qoǵamdyq kólikte kestege sáıkes tańerteńge keshke deıin jolaýshylar men munaıly shahar qonaqtaryn tegin tasymaldaıdy. Jolaýshylardyń jas aıyrmashylyǵyna shekteý qoıylmaıdy. Ákimdik pen jolaýshy tasymaldaıtyn kásiporyndardyń ortaq sheshimimen qabyldanǵan bul múmkindikti jas aıyrmashylyǵyna qaramastan jolaýshylardyń bári paıdalana alady», -dep málim etti Arslan Aronuly.
Eske sala ketelik, budan buryn Atyraýda Atyraý turǵyndary qoǵamdyq kólikte tegin qatynap júrgenin habarlaǵan bolatynbyz.