Atyraý prokýratýrasy aldanǵan úleskerlerdi qorǵady
«Atyraý qalasynyń prokýratýrasy Nursaıa shaǵynaýdanynda salynyp jatqan zańdy páterinen aıyrylyp qala jazdaǵan 29 úleskerdiń shaǵymyn qarady. Anyqtalǵandaı, shaǵymdanýshylar kópten kútken jańa páter kiltin 2016 jyldyń mamyr aıynda alýy tıis bolǵan. Alaıda salýshy kompanııa túrli sebeptermen páter tapsyrý merzimin soza bergen jáne keıinirek eki mekeme arasynda túsinispeýshilik týyndaǵanyn aıtyp, sharttyń bir bóligi jaramsyz dep, páter berýden múldem bas tartqan. Atalǵan fakti boıynsha salýshy fırma qyzmetin tekserý jumystary uıymdastyrylyp, «Andora konstrakshn» JShS bastapqyda úlestik qurylys tártibi men erejelerin buzǵany anyqtaldy. Osydan keıin tıisti sharalar qabyldanyp, 29 úleskerdiń 25-i páterlerin aldy», - dep habarlady Atyraý q. prokýratýra bóliminiń aǵa prokýrory Erlan Kakıev.
Sonymen birge, prokýratýra qalǵan tórt úleskerdiń páter qujattaryn 100% aqy tólegen soń alatynyn aıtty.