Atyraý polıtseıleriniń 2 myńnan astam zańsyz qaýlysynyń kúshi joıyldy
Atyraý qalalyq prokýratýrasynyń málimetinshe, polıtsııa qyzmetkerleri quqyq buzýshylyq quramynyń belgileri bolmasa da jeke tulǵalardy ákimshilik jaýapkershilikke tartqan.
«Avtomobıl kóligi ıesiniń derbes derekteri polıtsııa qyzmetkerleriniń mobıldi planshetteri arqyly anyqtalady. Soǵan qaramastan, polıtsııa qyzmetkeriniń qaýlylarymen jeke tulǵalar QR Ákimshilik quqyq buzý týraly kodekstiń 612-babynyń 1-bóligimen, ıaǵnı júrgizýshiniń jeke basyn kýálandyratyn qujatynyń bolmaýyna baılanysty jaýapqa tartylǵan. Atyraý qalasynyń prokýrory engizgen narazylyqpen atalǵan bappen ákimshilik quqyq buzýshylyq týraly isterge shyǵarylǵan 1 079 qaýlynyń kúshi joıyldy. Jalpy 2 myńnan astam ákimshilik qaýlynyń kúshi joıylyp, 24 polıtsııa qyzmetkeri tártiptik jaýapkershilikke tartyldy», -dep habarlady prokýratýranyń baspasóz qyzmeti.
Eske sala ketelik, Atyraý oblysynda qaıtys bolǵan 30 adamnyń atyna bıýdjet qarjysy zańsyz aýdarylǵanyn jazǵan bolatynbyz.
«Prokýrorlyq qadaǵalaý sharalarymen múgedek adamdardyń jeke kómekshileriniń qyzmetine tıisti baqylaý júrgizilmegeni, 69 kómekshiniń basqa mekemelerde jumys istegeni, qaıtys bolǵan 30 adamnyń atyna bıýdjet qarajaty zańsyz aýdarylǵany anyqtaldy. Budan bólek, Atyraý qalalyq máslıhatynyń sheshimine ózgerister engizilip, múgedek balalardy úıde oqytqany úshin tólem 2,4 aılyq eseptik kórsetkishten 5 aılyq eseptik kórsetkishke deıin kóterildi. Múgedektigi bar úsh adamnyń jumys ýaqytynyń uzaqtyǵy qysqartyldy. Olarǵa qosymsha demalys kúnderi qamtamasyz etildi», - dep habarlady prokýratýranyń baspasóz qyzmetinen.
Sondaı-aq, Atyraý oblysynda 14 laýazymdy tulǵa jaýapqa tartylǵanyn habarlaǵan edik.