Atyraý polıtseıleri tún ortasynda kópirden sekirmek bolǵan boıjetkendi qutqardy

ATYRAÝ. QazAqparat – Atyraý polıtseıleri tún ortasynda kópirden sekirmek bolǵanboıjetkendi qutqardy, dep habarlaıdy QazAqparat. Oblystyq polıtsııa departamenti baspasóz qyzmetiniń málimetinshe, oqıǵa búgin, 21 aqpanda bolǵan.

«Jedel basqarý ortalyǵynyń qyzmetkerleri túngi saǵat 03:08 shamasynda «Atyraý» shaǵyn aýdanyndaǵy kópir ústinde beligisiz áıel adamnyń kópirden sekirgeli turǵanyn

baıqaǵan. Ortalyqtyń kezekshi ınspektory, polıtsııa kapıtany Gúlmıra Tazdarbaeva bul týraly jaqyn mańdaǵy patrýldik polıtsııa batalonynyń «Batys» ekıpajynyń qyzmetkerlerine baǵyttama bergen. Oqıǵa ornyna polıtsııa qyzmetkerleri jedel jetip, polıtsııa aǵa leıtenanty Erbolat Maǵzomov kópirden sekirmek bolǵan 23 jastaǵy

boıjetkendi qutqaryp qaldy», dep habarlady departamenttiń baspasóz qyzmeti.

Polıtsııa aǵa leıtenanty Erbolat Maǵzomovtyń aıtýynsha, kópir ústinde turǵan adamdy qutqarý úshin shapshandyq qajet bolǵan.

«Jedel habardy estigende, kópirge tezirek jetýdi ǵana oıladyq. Boıjetken kópir ústinde tur eken. Sál keshikkende sekirip ketýi múmkin edi. Jedel qımyldap qutqarýǵa kirisý

qajettigin túsindim», - deıdi polıtsııa aǵa leıtenanty Erbolat Maǵzomov.

Eske sala ketelik, budan buryn Atyraýda tún ortasynda balkonda turǵan 4 jasar bala

qutqarylǵan edi. Sondaı-aq polıtseıler órtengen úıden 60-qa jýyq adamdy

evakýatsııalaǵan bolatyn.