Atyraý polıtseıleri kúsheıtilgen rejımde jumys isteýge kiristi
Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtyń aıtýynsha, 2021 jylǵy 31 jeltoqsannan 2022 jylǵy 5 qańtar aralyǵynda departamenttiń jeke quramy kúsheıtilgen qyzmet túrine aýystyrylǵan.
«Basty maqsat – qoǵamdyq tártipti qamtamasyz etý, quqyq buzýshylyqtardyń aldyn alý. Kóshelerde polıtsııa jasaqtarynyń, onyń ishinde jaıaý júretin jasaqtardyń sany artatyn bolady. Sondaı-aq, merekelik is-sharalar ótetin, adamdar kóp jınalatyn oryndardy, tirshilikti qamtamasyz etý nysandaryn baqylaýdy qamtý úshin patrýldeý marshrýttaryna bólingen narıadtarǵa qajetti túzetýler engizildi. Qoǵamdyq tártipti saqtaýǵa ishki ister organdarynyń qyzmetkerlerimen birge Ulttyq ulannyń sarbazdary tartylady», -deıdi Qamza Úmbetqalıev.
Eske sala ketelik, budan buryn Atyraý polıtseıleri júrgizýshilerge jolda saq bolýdy eskertkenin jazǵan edik.