Atyraý polıtseıleri ereýilde qaza tapqan áriptesterin bir mınýt únsizdikpen eske aldy
Búgin, 10 qańtarda Atyraý oblystyq polıtsııa departamenti men barlyq bólinisinde basshylyq quram, ishki ister organynyń ardagerleri men jeke quram qyzmetkerleri qaza tapqan áriptesterin bir mınýt únsizdikpen eske aldy.
«Bizdiń áriptesterimiz erlik pen batyldyq tanytyp, qyzmettik jáne áskerı boryshyn sońyna deıin abyroımen atqardy. Áriptesterimizdiń qyzmettik boryshyn oryndaý kezinde qaza tapqany óte ókinishti. Qaza tapqan áriptesterimizdiń esimi bizdiń jadymyzda, ishki ister organdarynyń tarıhynda saqtalady», - dedi Atyraý oblysynyń komendanty – oblystyq polıtsııa departamentiniń bastyǵy, polıtsııa polkovnıgi Qamza Úmbetqalıev.
Eske sala ketelik, budan buryn Atyraýda jappaı tártipsizdikten 49 polıtseı men 27 sarbaz jaraqat alǵanyn jazǵan bolatynbyz.