Atyraý polıtseıleri balalaryn jumys ornyna shaqyrdy

ATYRAÝ. QazAqparat – Atyraý polıtseıleri 1 maýsym – Halyqaralyq balalardy qorǵaý kúnine oraı balalaryn jumys ornyna shaqyrdy. Oǵan polıtseılerdiń 1-13 jas aralyǵyndaǵy 70-ten astam balasy qatysty, dep habarlaıdy QazAqparat.

Polıtseılerdiń balalary departamenttiń mýzeıindegi jádigerlermen tanysty.

Mýzeı basshysy Ersaıyn Ómirov balalarǵa ishki ister organdarynyń qalyptasý tarıhy, qyzmet babynda qaza bolǵan qyzmetkerler erligi týraly áńgimelep berdi.

«El Prezıdenti 2022 jyldy balalar jyly dep jarııalap, «Óskeleń urpaqtyń úılesimdi damýy men baqytty balalyq shaǵy – bizdiń jalpyulttyq mindetimiz» dedi. Rasynda, elimizdiń keleshegi – búgingi jas urpaq. Balalarymyzdyń árbir sátin baqytqa keneltý úshin kóp nárseniń qajeti joq. Olardy jylylyq pen meıirim shýaǵyna molyraq bóleıik», -dedi departament bastyǵynyń orynbasary,​ polıtsııa podpolkovnıgi Ádilhan Baıdosov.

Departament aldyndaǵy alańda balalar úshin sýret konkýrsy uıymdastyryldy. Balalar ártúrli sýretter saldy.

Arnaıy shaqyrylǵan anımatorlar qyzyqty oıyndar men saıystar ótkizdi. Búldirshinder bı bılep, án aıtty.

Áskerı tehnıka, polıtsııa kóligi, ıisshil ıt balalardyń qyzyǵýshylyǵyn oıata tústi.

Jedel áreket etetin arnaıy jasaq jaýyngerleriniń sheberligi men daǵdysy kórsetildi.

Іs-shara sońynda balalarǵa dıplom, merekelik syılyq tabystaldy.

Jastar arasynda salamatty ómir saltyn nasıhattaıtyn «Men esirtkisiz ómirdi tańdaımyn» atty syılyq taratyldy.

Eske sala ketelik, buǵan deıin Atyraý oblysynda 130 myńnan astam bala saýyqtyrý sharalarymen qamtylatynyn jazǵan bolatynbyz.