Atyraý oblysynyń jurtshylyǵy latyn álipbıine kóshýdi qoldaıdy

ATYRAÝ. QazAqparat - Atyraýda oblys əkimi Nurlan Noǵaevtyń qatysýymen «Latynǵa kóshý:bolashaq tańdaýy» atty oblys aktıviniń jınalysy ótti. Jıynda latyn əlipbıine kóshý məselesi sóz boldy, dep habarlaıdy Atyraý oblysy óńirlik kommýnıkatsııalar qyzmeti.

Aktıv barysynda belgili ǵalymdar men shyǵarmashylyq ókilderi latyn qarpine kóshý elimizdiń basqa memlekettermen baılanysyn nyǵaıtýda mańyzdy rol atqaratynyn aıtty.

«Əlipbıdiń latyn qarpine kóshýi týraly Elbasy «Bolashaqqa baǵdar: rýhanı jańǵyrý» baǵdarlamalyq maqalasynda atap kórsetti. Jaqynda Parlamentte usynylǵan latyn əlipbıiniń jobasyn búkil el talqylap jatyr. Bul ana tilimizdi halyqaralyq deńgeıge kóteretin ýaqyt talaby, jańa tehnologııalar men ınnovatsııalar,-dedi H.Dosmuhamedov atyndaǵy Atyraý memlekettik ýnıversıtetiniń professory, fılologııa ǵylymdarynyń kandıdaty Jumazııa Abdrahmanova.

Jıynǵa qatysýshylardyń pikirinshe, Japonııa, Qytaı sekildi elderde ıeroglıftermen birge latyn qarpi de qoldanylady. Medıtsına men basqa da salalarda zamanaýı termınologııa latynsha júrgiziledi. Qazir kez kelgen stýdent pen oqýshy latyn ərpinde jaza alady. Tildik ereksheligimizdi saqtaı otyryp, biryńǵaı standartqa keltirýimiz kerek. Latynǵa kóshý əlemdegi qazaqtardyń birigýine jol ashady, qarym-qatynasqa da qolaıly.

Jıynǵa óńirdegi zııaly qaýym ókilderi, memlekettik organ qyzmetkerleri qatysty. Aıta ketý kerek, aımaqtyń shyǵarmashylyq ókilderi latyn qarpine kóshý týraly usynysty alǵashqylardyń biri bolyp qoldady.

«Memleket basshysy aıtqandaı, latynǵa kóshý kezeń-kezeńmen júzege asady. Bolashaq urpaq úshin mədenıet pen bilimniń irgetasyn búgin qalaýymyz kerek»,-dedi oblys əkimi Nurlan Noǵaev.