Atyraý oblysynyń mektepteri Ashyq qosymshasymen jumys isteıdi
Bul týraly Atyraý oblysynyń bas memlekettik sanıtarlyq dárigeri Mádenıet Tanaýovtyń jańa qaýlysynda aıtylǵan.
«Pedagogtar men personaldyń 100% vaktsınatsııalanýy (turaqty medıtsınalyq qarsy kórsetilimderi bar adamdardy, COVID-19 aýyryp saýyqqan adamdardy saýyqqannan keıin 3 aı ishinde qospaǵanda), uıymǵa kirý kezinde Ashyq qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jastaǵybilim alatyn kelýshilerdi QR kod boıynsha tirkeý), maska rejımin saqtaý, retsırkýlıator, sanıtaızer, antıseptık, dezınfektsııalaý jáne jýý quralynyń jetkilikti sanymen, úı-jaılardy jınaý jáne dezınfektsııalaý jıiligin arttyrý, jeldetý jáne zararsyzdandyrý rejımine qoıylatyn talaptardy saqtaý, pedagogtardyń, personaldyń jáne bilim alýshylardyń kúndelikti «kirý» súzgisi (baılanyssyz termometrııa) qamtamasyz etilsin», - delingen qujatta.
Sondaı-aq, buqaralyq is-sharalardy (mádenı, tárbıe, synyptan tys jáne ata-analar jınalystary jáne t. b.), mektepke deıingi jáne orta bilim berý uıymdarynda toptar men synyptardy biriktire otyryp is-sharalar ótkizýge tyıym salynǵan.
Jańa qaýlynyń tolyq nusqasymen myna siltemeden tanysýǵa bolady.
Avtor: Bek Mustafa