Atyraý oblysynyń Isataı aýdanynda «Ashyq ákimdik» ashyldy
Isataı aýdanynyń ákimi Marat Mýrzıevtiń málimetinshe, maqsat – turǵyndarǵa kórsetiletin memlekettik qyzmetti bir ortalyqqa shoǵyrlandyryp, sybaılas jemqorlyqqa jol bermeý. Jáne ol Memleket basshysy Qasym-Jomart Toqaev usynǵan «Halyq únine qulaq asatyn memleket» tujyrymdamasyna saı ashylyp otyr.
«Ashyq ákimdik» keńsesiniń ǵımaratynda qabyldaý kestesi túzilgen. Munda ashyqtyq pen jarııalylyqqa basymdyq beriledi.
«Ashyq ákimdik» keńsesi 7 aýdanda ashylaly. Eń basty maqsatymyz – halyqpen tikeleı dıalog ornatý. Munda 4 memlekettik atqarýshy organnyń ókilderi qyzmet kórsetedi. Turǵyndar ózderin tolǵandyrǵan máselelermen aýdandyq ákimdikke, basqa da memlekettik mekemelerge barmaı, osy keńseden jaýap alady», - dedi Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary Aıdos Mamyt.
Eske sala ketelik, budan buryn Jylyoıda «servıstik ákimdik» ashylǵan edi.