Atyraý oblysynyń aktıvi Joldaýdy iske asyrý baǵyttaryn aıqyndady
Aımaq basshysy Mahambet Dosmuhambetovtiń tóraǵalyǵymen ótken sharaǵa oblys ákiminiń orynbasarlary, oblystyq Máslıhat depýtattary, Qoǵamdyq keńes ókilderi, quqyq qorǵaý organdary, departament, basqarma, kásiporyn basshylary, Atyraý qalasy men aýdandar ákimderi jáne BAQ ókilderi qatysty. Jıyndy Joldaý júktegen mindetterge qatysty arnaıy baıandama jasaǵan aımaq basshysy onyń bolashaqqa baǵdarlanǵan órleýdi, jańasha damýdy kózdeıtin baǵdarlamalyq qujat ekenin aıryqsha atap ótti.
«Memleket basshysy Qasym-Jomart Toqaevtyń Qazaqstan halqyna kezekti joldaýy–halqymyzdyń kókeıinde júrgen kúrdeli máselelerge naqty sheshim joldaryn usyndy. Álemdi ábigerge salǵan pandemııa bizdi de aınalyp ótpedi. Osy rette ekonomıkalyq-qarjylyq daǵdarys jaǵdaıynda damýdyń tetikteri men jasalatyn naqty ister joldaýda jan-jaqty baıandalǵanyn atap ótkim keledi. Sondyqtan joldaý júktegen mindetterdi basshylyqqa alyp, júıeli jumys jasaý – bul jergilikti bıliktiń basty ustanymy», - dedi Mahambet Dosmuhambetov.
Sonymen qatar, óńir basshysy Atyraý oblysynyń joldaýynyń basym baǵyttarynan týyndaıtyn mindetterge toqtalyp, olardy jergilikti deńgeıde iske asyrý úshin qandaı jumystar atqarylýy tıistigin atap ótti.
«Osy jyldyń jeti aıyndaǵy kórsetkish boıynsha, búginde óńirdegi ónerkásip óniminiń kólemi 2,9 trıllıon teńgeni qurasa, taý-ken ónerkásibinde 2,6 trln. teńge somasynda ónim óndirilgen. Sonymen qatar, osy merzim aralyǵyndaǵy aýyl sharýashylyǵynyń jalpy ónim kórsetkishi - 31 mlrd. teńgeni qurap otyr. Odan bólek, 2020 jylǵa kólik ınfraqurylymyn damytýǵa respýblıkalyq jáne jergilikti bıýdjet esebinen 41, 5 mlrd. teńgege otyz jeti eldimekendi qamtyp, eki júz jıyrma úsh shaqyrymnan astam jergilikti mańyzy bar joldardy jóndeý josparlanǵan», - dep naqtylady oblys ákimi.
Óz kezeginde Memlekettik qyzmet isteri agenttiginiń Atyraý oblysy boıynsha departamentiniń basshysy Salaýat Múkisimov te joldaýdyń memlekettik basqarý, memlekettik qyzmet salasyndaǵy baǵyttaryna toqtaldy.
«Memleket basshysynyń aıtýynsha, azamattardyń ál aýqatyn shyn máninde jaqsartqymyz kelse, olardyń ózderin osy iske belsendi túrde tartqan durys. Memlekettik basqarýdyń jańa modeli ár azamattyń muqtajdyǵyn, halyqtyń únin estýge baǵyttalǵan. Negizgi ózgerister óńirlerden bastaý almaq. Bizdiń óńirdegi 69 aýyldyq ákimniń 22-siniń ókilettik merzimi kelesi jyly aıaqtalady. Sondyqtan, aýyl ákimin saılaý isi biz úshin ózekti», - degen Salaýat Múkisimov joldaýda jańa basqarý modeli, memlekettik menedjmenttiń jańǵyrtý sekildi kontseptýaldy máselelerden bólek memlekettik qyzmetshiniń qıyn qystaý kezindegi jol kartasy aıqyndalǵanyna da toqtaldy.
Jıyn sońynda Mahambet Dosmuhambetov Prezıdent joldaýynda belgilengen baǵyttardaǵy máselelerdi óz dárejesinde uıymdastyryp, ári qaraı iske asyrýdy orynbasarlaryna, Atyraý qalasy jáne aýdan ákimderine tapsyrdy.
«Aldymyzda aýqymdy ári kúrdeli mindetter tur. Solardy tabysty júzege asyrý úshin tyń tásil, jańasha oılaý, jalpyulttyq yntymaq jáne ózara qoldaý qajet». Memleket basshysy joldaýda atap ótken osyndaı qasıetterdi boıymyzǵa jınap, utymdy qımyldaıtyn bolsaq, kez-kelgen qıyndyqtardy eńserip, bıik asýlardy meńgeretinimiz anyq. Sondyqtan, depýtattardy, memlekettik qyzmetshilerdi, Atyraýdyń barlyq sanaly azamattaryn osy qundylyqtardyń aınalasynda toptasyp, qajyrly eńbek etýge shaqyramyn», - dep sózin qortyndylady aımaq basshysy.
Jıyn barysynda Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti basshysynyń birinshi orynbasary Aıdos Mamyt, Atyraý oblystyq aýrýhanasynyń basshysy Erbol Imanǵalıev, Atyraý qalasy Úsh tilde oqytatyn daryndy balalarǵa arnalǵan №30 mektep gımnazııasynyń dırektory Gúlfııa Esqaıyrova jáne «AMÓZ» bas dırektory Shýhrat Danbaı joldaýda belgilengen baǵyttar boıynsha baıandama jasap, óz oı-usynystaryn aıtyp, qoldaýlaryn bildirdi.