Atyraý oblysynyń ákimi azamattardy onlaın qabyldady
05:31, 22 Qańtar 2021
ATYRAÝ. QazAqparat –Atyraý oblysynyń ákimi Mahambet Dosmuhambetov azamattardy jeke máseleleri boıynsha onlaın formatta qabyldady, dep habarlaıdy QazAqparat.
Ákimniń qabyldaýyna 10-nan astam turǵyn qatysty. Azamattardyń kótergen máseleleri baspanamen qamtý, turǵyn úı sapasy men medıtsına salasyna qatysty órbidi. Atalǵan máselelerge jaýapty sala basshylary baspanamen qamtýdyń zańdylyǵyn túsindirdi.
Oblys ákimi Mahambet Dosmuhambetov basqarma basshylaryna azamattardyń ótinish-talaptaryn jan-jaqty qaraýdy tapsyrdy.
«Azamattar qozǵaǵan máseleler sheshimin tapqansha baqylaýymda bolady. Turǵyndardan túsken saýaldarǵa barynsha shuǵyl jaýap berip, zań sheńberinde sheshý kerek. Bul –bizdiń basty mindetimiz», - dedi Mahambet Dosmuhambetov.