Atyraý oblysynyń ákimi áleýmettik jelilerde paraqshalaryn ashty

ATYRAÝ. QazAqparat –Atyraý oblysynyń ákimi Mahambet Dosmuhambetov Facebook jáne Іnstagram jelilerinde jeke paraqshasyn ashty. Ákim bul týraly óńir turǵyndaryna esep berý kezinde málim etti, dep habarlaıdy QazAqparat tilshisi.

Aımaq basshysy Facebook-te alǵashqy jazbasyn da jarııalap, budan-bylaı halyqpen tikeleı baılanysta bolatynyn atap ótken.

«Qurmetti Atyraý oblysynyń turǵyndary! Facebook jáne Іnstagram áleýmettik jelisinde jeke paraqshamdy ashtym. Sebebi, jańa medıa sózsiz, jańa dáýirdiń tıimdi baılanys quralynyń birine aınaldy. Tilin bilse, áleýmetke paıdasy kóp áleýmettik jelini biz de ıgiligimizge jaratýymyz kerek. Sondyqtan, munda jasap jatqan jumystarymyz jaıly, oblysymyzdyń tynys-tirshiligi men aımaqtaǵy aıtýly jańalyqtardy bólisip otyramyn. Bul paraqshany sizdermen tikeleı baılanys ornatý úshin de taptyrmas múmkindik dep sanaımyn», - dep jazdy Mahambet Dosmuhambetov.

Avtory Joldasbek Kósherbaıuly