Atyraý oblysyndaǵy Teńiz vahta kentinde óndiristik qaldyq janyp jatyr
Oblystyq tótenshe jaǵdaılar departamenti baspasóz qyzmetiniń málimetinshe, órt búgin, 1 naýryzda jergilikti saǵat 16:40-ta tutanǵan.
«Jylyoı aýdanyndaǵy Teńiz vahtalyq kentindegi ashyq alańda óndiristik qaldyq janyp jatyr. «Teńizshevroıl» JShS órt sóndirý jáne apattyq qyzmetiniń málimetinshe, órt tutanǵan aýmaqtyń aýdany - 200 sharshy metr. Jalyndy sóndirýge «Teńizshevroıldyń» órt sóndirý jáne apattyq qyzmetinen 17 qyzmetker men 4 tehnıka, «COCR» JShS-nen 6 qyzmetker men 2 qyzmetker jumyldyrylǵan», -dep habarlady departamenttiń baspasóz qyzmetinen.
Oqıǵa ornyna barý úshin Jylyoı aýdandyq tótenshe jaǵdaılar bóliminen 10 qyzmetker men 2 tehnıka jolǵa shyqty.
Aýdan ortalyǵy – Qulsary qalasy men Teńiz vahtalyq kentiniń aralyǵyndaǵy qashyqtyq - 90 shaqyrym.
Eske sala ketelik, buǵan deıin Atyraýda bir mezette turaqta turǵan eki júk kóligi órtenip ketken bolatyn.