Atyraý oblysyndaǵy respýblıkalyq joldarda kólik apatynan 33 adam kóz jumǵan
Atyraý oblystyq polıtsııa departamentiniń baspasóz qyzmetinen málim etkendeı, jyl basynan beri jyldamdyqty asyrǵan 12 myńnan astam júrgizýshi anyqtalǵan.
«Atyraý oblysynyń aýmaǵymen ótetin respýblıkalyq mańyzy bar tas joldarda jyl basynan beri 38 jol-kólik oqıǵasy tirkeldi. Kólik apatynyń saldarynan 33 adam mert boldy. Al, 57 adam ártúrli dene jaraqatyn aldy. Jol-kólik oqıǵasynyń basym bóligi júrgizýshilerdiń basyp ozý erejesin buzýy, jyldamdyqty shamadan tys asyrýy saldarynan bolyp otyr», -dep habarlady patrýldik polıtsııa rotasynyń komandıri, polıtsııa kapıtany Ádilbek Shahmetov.
Onyń aıtýynsha, respýblıkalyq mańyzdaǵy tas joldarda kólik apatynyń aldyn alý úshin reıdtik is-sharalar júrgizilip keledi.
«Sońǵy 10 kúnde óńirdegi respýblıkalyq tas joldarda bolǵan 2 jol-kólik oqıǵasynan 8 adam kóz jumdy. Jol-kólik oqıǵalary júrgizýshilerdiń kinásinen ekeni daýsyz. Óıtkeni, júrgizýshiler basyp ozýǵa tyıym salynǵan jol belgisin elemeıdi. Sóıtip, jyldamdyqty asyryp, aldyndaǵy kólikten ozý úshin joldyń qarsy baǵytyna shyǵady. Jyl basynan beri tas joldarda jyldamdyq rejımin saqtamaǵan 12 809, basyp ozý erejesin buzǵan 611 júrgizýshi anyqtaldy. Olarǵa tıisti sharalar qoldanyldy», -dep málim etti Ádilbek Shahmetov.
Eske sala ketelik, budan buryn Atyraý oblysynda eki kólik soqtyǵysyp, 7 adam mert bolǵanyn habarlaǵan edik.
https://kaz.inform.kz/news/atyrau-oblysynda-eki-kolik-soktygysyp-7-adam-mert-boldy_a4090302