Atyraý oblysyndaǵy Noǵaıty ózeninde balyq qyryldy

ATYRAÝ. QazAqparat – Atyraý oblysyndaǵy Noǵaıty ózeninde balyq qyryldy, dep habarlaıdy QazAqparat.

Qyzylqoǵa aýdany ákimdiginiń málimetinshe, búgin 10 maýsymda Saǵyz aýyldyq okrýgi aýmaǵyndaǵy Noǵaıty ózeniniń Saǵyz ózenine quıatyn tusynda balyqtyń qyrylý deregi anyqtalǵan.

«Balyq ólgen jerdegi sý kólemi – 100 metr. Al, ólgen balyq mólsheri – 150 keli. Negizinen balyqtyń maıda shabaqtary qyrylǵan. Qazir quzyrly organdar arqyly synamalar alyndy. Ólgen balyq shabaqtary men sýdyń synamasy Ulttyq saraptama ortalyǵynyń oblystyq fılıalyna jiberildi. Zerthanalyq tekserý qorytyndysy osy aptada belgili bolady», - dep habarlady Qyzylqoǵa aýdanynyń ákimdiginen.

Eske sala ketelik, budan buryn Atyraý oblysynda 2 tonna balyq qyrylǵanyn habarlaǵan edik.