Atyraý oblysyndaǵy kásiporyn 700 mln teńgeden astam salyqty tóleýden jaltarǵan
20:44, 13 Sáýir 2021
ATYRAÝ. QazAqparat - Atyraý oblysynda 700 mıllıon teńgeden astam jasyrylǵan salyq bıýdjetke qaıtaryldy, dep habarlaıdy QazAqparat Qarjylyq monıtorıng agenttigine silteme jasap.
Agenttiktiń Atyraý oblysy boıynsha Ekonomıkalyq tergeý departamenti naqty jumystar oryndalmaı jáne qyzmetter kórsetilmeı shot-faktýralardy zańsyz jazyp berý faktisin anyqtady.
«Oblys kásiporyndarynyń biriniń basshysy 2015-2019 jyldar kezeńinde 700 mln teńgeden astam somaǵa salyq tóleýden jaltarǵan. Atalǵan fakt salyqty tekserý materıaldarymen rastalǵan. Qazirgi tańda salyq tóleýden jaltarý faktisi boıynsha sotqa deıingi tergep-tekserý júrgizilýde, memleketke keltirilgen zalal óteldi», delingen habarlamada.
Vedomstvo salyq tóleýden jaltarý faktileri málim bolsa, Qarjylyq monıtorıng agenttigine: 8 (7172) 70-84-78, Atyraý oblysy boıynsha Ekonomıkalyq tergeý departamentine: 8 (7122) 35-42-10 senim telefondary boıynsha habarlasýdy suraıdy.