Atyraý oblysyndaǵy Qashaǵan ken ornynda jumysshy kóz jumdy
Bul derekti NCOC kompanııasy rastady.
Kompanııanyń aqparatyna qaraǵanda, qaıǵyly oqıǵa 9 aqpanda bolǵan.
Qaıtys bolǵan jumysshy merdigerdiń biri – «Saspiy Ak Zhelken» kompanııasynda jumys istegen.
«Saspiy Ak Zhelken merdigerlik kompanııasy qyzmetkeri kenetten qaıtys boldy. Qaıǵyly oqıǵanyń óndiriske qatysy joq. NCOC kompanııasy qaıtys bolǵan qyzmetkerdiń otbasyna kóńil aıtady. Jaqyn adamyn joǵaltqan otbasyǵa jan-jaqty kómek kórsetildi», -dep habarlady NCOC kompanııasynan.
Eske sala ketelik, buǵan deıin Teńiz ken ornyndaǵy jarylysqa qatysty sotqa deıingi tergeý bastalǵanyn habarlaǵan bolatynbyz.
Polıtsııa departamentiniń aqparatyna súıensek, oqıǵa 8 aqpan saǵat 13:50 shamasynda Teńiz ken ornynyń óndiristik aýmaǵynan tys jerde bolǵan.
«West Dala» kompanııasyna tıesili vakýým tsısternasy jarylǵan.
Sonyń saldarynan 30 jastaǵy jumysshy oqıǵa ornynda mert boldy. Al 29 jastaǵy jumysshy túrli dene jaraqatymen aýrýhanaǵa jetkizildi.
«Teńiz ken ornynda bir jumysshynyń mert bolyp, ekinshi adamnyń jaraqat alýyna baılanysty sotqa deıingi tergeý bastaldy. Tergeý QR Qylmystyq kodeksiniń 156-babymen (eńbekti qorǵaý qaǵıdalaryn buzý) júrip jatyr», - dep málim etti polıtsııa departamentiniń baspasóz qyzmetinen.
Foto: herrmanandherrman.com