Atyraý oblysyndaǵy gaz-hımııa kesheniniń jumysy ne sebepti toqtatyldy
KRІ JShS-niń basqarma tóraǵasy - bas dırektory Danııar Tıesovtiń aıtýynsha, bul – paıdalanýdyń birinshi jylynda kezdesetin qalypty tájirıbe.
«Gaz-hımııa kesheniniń jumysyn toqtatý osy sekildi iri kásiporyndarda kezdesip turady. Óıtkeni, iri óndiris ornynyń paıdalanýǵa berilgenine áli bir jyl tolǵan joq. Sol sebepten, keshen qurylysyn júrgizgen merdigerdiń esebinen barlyq anyqtalǵan kemshilikti retke keltirý kózdelip otyr. Biz keshendi 10 shildede toqtatyp, 25 tamyzda qaıta iske qosýdy josparlaǵan edik. Biraq, ony 5 maýsymda toqtaýǵa týra keldi. Óıtkeni, Siemens kompanııasynyń jylý almastyrǵyshynda aqaý baıqaldy», - dep habarlady Danııar Tıesov.
Onyń aıtýynsha, týrbınaǵa sý aqqan. Bul týraly kompanııaǵa habardar berilgen. Qazir kompanııa qajetti bólshekti jibergen.
«Atalǵan kompanııanyń ınjenerler toby 15 shildede keshenge keledi. Olar jylý almastyrǵyshty ashyp, týrbınany tekseredi. Bul jumys atqarylady dep úmittenemiz. Keshendi 25 shildede qaıta iske qosýdy josparlap otyrmyz», - dep málim etti Danııar Tıesov.
Eske sala ketelik, budan buryn Atyraýda gaz-hımııa kesheniniń jumysy toqtatylǵanyn jazǵan edik. Keshende «Teńiz» ken ornynan alynǵan shıkizattan jylyna 500 myń tonna polıpropılen shyǵarylady. Bul – álemdegi polıpropılen óndirisiniń 1 paıyzyn quraıtyn ári Qazaqstandaǵy munaı-gaz ónerkásibin órkendetýge septigi tıetin polıpropılen shyǵaratyn alǵashqy keshen. Keshenge amerıkandyq Lummus Technology Inc kompanııasynyń Catofin jáne Novolen tehnologııalary ornatylǵan. Osyǵan uqsas keshender álemniń Saýd Arabııasy, AQSh, Belgııa, Ońtústik Koreıa jáne Qytaı eskildi bes elinde ǵana bar.