Atyraý oblysynda jyl basynan beri alaıaqtyq qylmystyń 409 deregi tirkelgen
Atyraý oblystyq polıtsııa departamentiniń baspasóz qyzmetinen málim etkendeı, alaıaqtarǵa aldanatyndar qatary kóbeıgen.
«Bıylǵy jyl basynan beri Atyraý oblysynda 409 ınternet-alaıaqtyq qylmysy tirkeldi. Onyń ishinde ınternet arqyly taýar alý, qyzmet kórsetý túrlerine aldyn-ala tólem jasaýǵa baılanysty 314 derek bar. Al, jalǵan siltemeler arqyly aqsha qarajatyn jymqyrǵan 8, onlaın nesıe rásimdeýge qatysty 39, ózgeniń atyna jalǵan akkaýnttar ashqan 6 derek anyqtalyp otyr», -dep habarlady departamenttiń baspasóz qyzmeti.
Polıtsııa qyzmetkerleriniń taldaýyna sáıkes, ınternet-alaıaqtyq qylmysyna 30-50 jastaǵy turǵyndar aldanǵan. Ásirese, áıelder kúmándi ınternet-dúkenderden taýar satyp alǵan. Al, er adamdardyń basym bóligi kolesa.kz jáne ózge de ınternet resýrstardaǵy kólik quraldary men bólshekterin satatyn jalǵan habarlandyrýlarǵa aldanǵan.
«Alaıaqtar ózin polıtsııa qyzmetkeri retinde qurbandaryna telefon shalady. Jaqyn týysy, ne balasy jol-kólik oqıǵasyna tap bolǵany, basqa da zańsyz áreketterdi jasaǵany týraly habarlap, aqsha suraýy múmkin. Mundaı jaǵdaıda 102 operatory arqyly aqparattyń shynaıylyǵyn tekserý kerek. Facebook, Instagram áleýmettik jelilerinde jarııalanǵan taýarlar jarnamasyn muqııat teksergen jón. Taýarlar úshin aldyn ala tólem jasamaǵan jón», -dep málim etti departamenttiń baspasóz qyzmetinen.
Eske salý ketelik, atyraýlyqtardy 4 mln teńgege aldaǵan alaıaqtyń isi sotqa joldanǵanyn habarlaǵan edik.