Atyraý oblysynda jyl basynan beri 7 bala joǵarǵy qabattan qulap, 2-eýi mert bolǵan
Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, balalardyń joǵarǵy qabattan qulaý deregi jıi tirkelip otyr.
«Bıylǵy jyl basynan beri turǵyn úılerdiń joǵarǵy kámeletke tolmaǵan 7 balanyń qulaǵany týraly derek tirkeldi. Onyń ishinde 2 bala mert boldy. Turǵyn úıdiń terezesinen qulaý dereginiń biri 18 tamyzda Atyraý qalasynda tirkelip otyr. Departamenttiń dıspetcherlik pýltine keshki saǵat 20:15-te M.Áýezov kóshesinde ornalasqan 5 qabatty turǵyn úıden balanyń qulaǵany týraly habar tústi. Ata-anasynyń qaraýynsyz qalǵan 2 jasar bala 4-qabattaǵy terezeden qulap ketkeni anyqtaldy», -dep habarlady departamenttiń qoǵammen baılanys toby.
Qutqarýshylar zardap shekken kishkentaı balaqaıdy oblystyq balalar aýrýhanasyna jetkizgen. Qazir balaqaıdyń jaǵdaıy aýyr dep baǵalanyp otyr. Ár túrli jaraqat alǵan bala aýrýhananyń jansaqtaý bóliminde jatyr.
«Ótken aptada qutqarýshylar tótenshe jaǵdaılardy joıý úshin 41 shaqyrtýǵa bardy. Onyń 3 órt, 27 janý deregi bar. Tótenshelikter avarııalyq qutqarý jumystaryna 1 ret izdestirýge 8 márte bardy», -dep málim etti departamenttiń qoǵammen baılanys tobynan.
Eske sala ketelik, budan buryn Atyraýda 6 jasar qyz 5-qabattan qulap, aýrýhananyń jansaqtaý bólimine túskenin jazǵan bolatynbyz.