Atyraý oblysynda jyl basynan beri 18,6 myń adam jumys izdegen

ATYRAÝ. QazAqparat – Atyraý oblysynda jyl basynan beri 18 693 adam jumys izdegen, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasy baspasóz qyzmetiniń málimetinshe, bıyl jumyspen qamtý ortalyqtaryna 18 693 adam júgingen.

«Basqarma mamandary turaqty jumys oryndaryna turaqty monıtorıng júrgizedi. Bul jumys izdegen turǵyndardyń arasynan 16 871 adam jumysqa ornalastyrylýǵa baǵyttaldy. Budan bólek, 19 386 adam jumyspen qamtý sharalaryna qatysty. Sonyń nátıjesinde 10 525 turǵyn turaqty jumys oryndaryna, 374-i áleýmettik jumysqa, al, 627-si jastar tájirıbesine tartyldy. Sondaı-aq, 5 345 adam qoǵamdyq jumystarǵa ornalasty», - dep habarlady basqarmanyń baspasóz qyzmeti.

Eske sala ketelik, buǵan deıin Atyraýda sheteldik jumysshylarǵa berilgen ruqsat keri qaıtarylǵanyn habarlaǵan edik.