Atyraý oblysynda jyl basynan beri 10 myń tonnadan asa balyq aýlanǵan
Bul týraly aımaq ákimi Mamahmbet Dosmuhambetov Ortalyq kommýnıkatsııalar qyzmetinde ótken brıfıngide aıtty.
«Oblysta balyq aýlaýmen jáne óńdeýmen 16 kásiporyn aınalysady. Shabaq pen bekire ósiretin 2 zaýyt jumys isteıdi. Jyl basynan beri 10 myń tonnadan asa balyq aýlandy. Bul 2020 jyldyń sáıkes kezeńimen salystyrǵanda 56% artyq. 9 myń tonna qaıta óńdeldi. Onyń 88%-y eksportqa jiberildi», - degen aımaq basshysy óńirde medıtsınalyq kadr tapshylyǵy qalaı rettelip jatqanyn baıandady.
«Densaýlyq saqtaý ınfraqurylymyn damytý aıasynda 2021 jyly 4 nysan salyndy. 6 nysannyń qurylysy júrip jatyr. Medıtsınalyq jabdyqtardy jańartýǵa 2 mlrd teńge baǵyttaldy. Sonyń arqasnyda medıtsınalyq jabdyqtarmen qamtamasyz etý 78%-ten 91%-ke artty. Bıyl medıtsına salasy mamandarynyń tapshylyǵyn tómendetý úshin óńirge 71 jas maman tartyldy, Onyń 21-i aýyldarǵa jiberildi. Sonymen qatar, sońǵy 3 jylda medıtsınalyq mamandyqtar boıynsha oqý granttarynyń sany 54-ten 71-ge deıin ulǵaıttyq», - dedi Mahambet Dosmuhambetov.