Atyraý oblysynda júk kóliginiń tirkemesindegi 12 tonna maqta órtenip ketti
Oblystyq tótenshe jaǵdaılar lepartamenti baspasóz qyzmetiniń málimetinshe, júk kóligi
keshe, 10 jeltoqsanda órtengen.
«Departamenttiń dıspetcherlik pýltine keshe saǵat 14:11-de Jylyoı aýdanynyń ortalyǵy
– Qulsary qalasynan 80 shaqyrym qashyqta «Atyraý-Aqtaý» tas jolynyń boıynda
sheteldik júk kóligi órtengeni týraly habar tústi. Órt sóndirýshiler oqıǵa ornyna jetkende «DAF» júk kóliginiń tirkemesi órtengeni anyqtaldy. Tirkeme tıelgen 12 tonna maqta oramy tolyqtaı otqa oranǵan. Júk kóligi Tájikstan Respýblıkasynan Túrkııaǵa bara jatqan»,-dep málim etti departamenttiń baspasóz qyzmetinen.
Jalyn saǵat 15:54-te oqshaýlanyp, saǵat 18:45-te sóndirildi. Órtten zardap shekkender men qaza bolǵandar joq.
Eske sala ketelik, budan buryn Atyraýda jeke úı órtenip, kúıik shalǵan bir adam aýrýhanaǵa túskenin jazǵan edik.