Atyraý oblysynda jer telimi kezeginde 120 myń adam tur
Oblystyq jer qatynastary basqarmasynyń basshysy Álibek Ermekqalıdyń málimetinshe, jer telimin alýǵa kezekke turǵandar sany kóbeıgen.
«Atyraý oblysynda jeke turǵyn úı qurylysy úshin jer telimin alýǵa ótinish bergenderdiń sany 120 myńnan asty. Onyń ishinde 92 640 adam jer telimin Atyraý qalasynan alǵysy keledi. Bıylǵy jyl basynan beri 1999-2006 jyldary kezekke turǵandarǵa oblys ortalyǵyna taıaý mańdaǵy Atyraý, Damby, Zaroslyı eldi mekenderinen 54 jer telimi berilgen. Endi Inder aýdanynda – 20, Mahambette – 1 808, Jylyoıda – 11, Isataıda – 50, Qyzylqoǵa aýdanynda 276 jer telimin bólý josparlanyp otyr», - deıdi Álibek Ermekqalı.
Onyń aıtýynsha, jer telimin berý 8 jyldan beri turaqty jalǵasyp keledi. Máselen, 2016 jyly – 826, 2017 jyly – 2 455, 2018 jyly – 1 177, 2019 jyly –789, 2020 jyly – 1 488, al, byltyr 2 716 jer ýchaskesi berilgen.
Eske sala ketelik, buǵan deıin Atyraýda ortalyq kópir bes aıǵa jabylatynyn habarlaǵan bolatynbyz.