Atyraý oblysynda jer silkindi degen jalǵan aqparat tarady
14:09, 20 Qazan 2021
ATYRAÝ. QazAqparat – Atyraý oblysynda jer silkindi degen jalǵan aqparat tarady, dep habarlaıdy QazAqparat.
Keshe, 19 qazanda WhatsApp messendjerinde saǵat 12:21-de Jylyoı aýdanyndaǵy Qulsary qalasynyń mańyndaǵy 23 shaqyrym tereńde terbelisi 3,9 ball Kaspıı mańyndaǵy jer silkinisi týraly aqparat taraǵan.
Bul derekti Atyraý oblystyq tótenshe jaǵdaılar departamentiniń baspasóz qyzmeti joqqa shyǵardy.
«Oblystyq tótenshe jaǵadaılar departamenti barlyq jelide tıisti tekserý júrgizdi. Departament kezekshisiniń málimetinshe, 19 qazanda Qulsary qalasy mańynda jer silkinisi bolǵany týraly taratylǵan aqparat rastalmady» - dep habarlady departamenttiń baspasóz qyzmeti.
Eske sala ketelik, buǵan deıin Atyraýda kópqabatty turǵyn úıde órt shyqqanyn habarlaǵan edik.