Atyraý oblysynda «Jaıly mektep» aıasynda 12 bilim ordasy salynady
Atyraý oblysy ákiminiń orynbasary Jasulan Bısembıevtiń deregine qaraǵanda, qazir oqýshylar jalpy orta bilim beretin 200 mektepte dáris alady.
Onyń ishinde 199 memlekettik, 11 jeke menshik, qazaq tilinde 138, orys tilinde 4, aralas 58 mektep pen 1 keshki-aýysymdyq bólimshe bar.
Demografııalyq kórsetkishtiń qarqyndy ósýiniń nátıjesinde bilim alýshylar kontıngentiniń ósimi baıqalyp otyr. Máselen, 2015 jyly 109 392 oqýshy bilim alsa, bıyl onyń sany 143 481-ge jetti.
Osyǵan oraı bilim berý nysandarymen qamtamasyz etý úshin birqatar jobalar qolǵa alyndy.
«Prezıdent usynǵan «Jaıly mektep» ulttyq pılottyq jobasy aıasynda 2023-2025 jyldary 12 mekteptiń qurylysyn salý kózdelip otyr. Atap aıtqanda, Atyraý qalasyndaǵy Juldyz-2, Juldyz-3, Aqsaı-2 shaǵyn aýdandarynyń árqaısysyna 900 oryndyq, Mahambet atyndaǵy akademııalyq qazaq drama teatry aýmaǵy men Leshoz shaǵyn aýdanynda 2000 oryndyq mektep boı kóteredi. Munaıly shahar mańyndaǵy Saryózek aýylynda 300 oryndyq, Bereke aýyly men Vodnıkov shaǵyn aýdanynda, Qulsary qalasynyń Atyraý shaǵyn aýdanynda 1200 oryndyq, Qurmanǵazy aýdanynyń Qurmanǵazy men Aqkól aýyldarynda jáne Qyzylqoǵa aýdanyndaǵy Saǵyz aýylynda 600 oryndyq orta mektepti salý josparda tur», -dedi Jasulan Bısembıev.
Qazir Atyraý oblysynda 4 apatty mektep tirkelgen. Al, 15 mektep pen 1 japsarjaıdyń qurylysy júrgizilip jatyr.
Eske sala ketelik, buǵan deıin Atyraýda 600 oryndyq jańa mekteptiń qurylysy aıaqtalǵanyn jazǵan edik.