Atyraý oblysynda jarty jylda 259 bala týberkýlezge qarsy ekpe almady
«Bas tartýshylar sany kóbeıip kele jatqany alańdaýshylyq týdyrady. Tek alty aıdyń ishinde Atyraý oblysynda ata-analardyń bas tartýynan 259 bala týberkýlezge qarsy ekpe almady. Jáne olardyń 95-96 paıyzy - dinı nanym-senimge baılanysty. 259 balanyń 203-i - Atyraý qalasynan, 30 - Jylyoı aýdanynan, 13 - Qurmanǵazy aýdanynan jáne 2-3 baladan ózge aýdandardan. Negizgi problema qalada bolyp otyr», - dep habarlady QR Densaýlyq saqtaý mınıstrligi Qoǵamdyq densaýlyqty qorǵaý komıteti janyndaǵy Atyraý oblysy boıynsha departamentiniń basshysy Ómirzaq Zınýlın.
Budan buryn habarlanǵandaı, búginde Atyraý oblysynda atalmysh syrqat boıynsha kórsetkish respýblıka boıynsha eń joǵarylardyń biri. Osy jyldyń alty aıynda týberkýlezdi jańadan juqtyrýdyń 217 jaǵdaıy anyqtaldy. Oblys boıynsha bul dıagnoz barlyǵy 1 myń 176 adamǵa qoıylǵan.