Atyraý oblysynda jalǵan vaktsına pasportyn jasatqan eki adam anyqtaldy
Oblystyq polıtsııa departamentiniń baspasóz qyzmetinen málim etkendeı, bul derek Qurmanǵazy aýdanynda tirkelgen.
«Qurmanǵazy aýdandyq polıtsııa bóliminde kórineý jalǵan qujatty paıdalaný deregimen 2 qylmystyq is tirkeldi. Naqtylaı aıtqanda, atalǵan aýdannyń eki turǵyny koronavırýs ınfektsııasyna qarsy vaktsına alǵysy kelmegen. Sol sebepten, ekpe alǵany jóninde jalǵan vaktsına pasportyn jasatyp alǵan. Jalǵan vaktsına pasportyn turaqty túrde paıdalanyp, Ashyq elektrondy qosymshasyna sáıkes, olardyń mártebesi «qaýipsiz» retinde baǵalanǵan» -dep habarlady departamenttiń baspasóz qyzmeti.
Sotqa deıingi tergeý kezinde jalǵan vaktsına pasportyn jasatyp alǵan eki adam qylmysyn tolyqtaı moıyndaǵan. Atalǵan qylmystyq isti qaralǵan Qurmanǵazy
aýdandyq sotynyń úkimimen kináli adamdarǵa aıyppul jazasy taǵaıyndaldy.
Eske sala ketelik, buǵan deıin Atyraýda jalǵan vaktsına pasportyn 100 myń teńgeden satqan medbıkeler ustalǵan bolatyn.