Atyraý oblysynda jalǵan qujatpen shetelge taýar ótkizip kelgen turǵyn sottaldy
14:55, 25 Qańtar 2021
ATYRAÝ. QazAqparat - Atyraý oblysynyń turǵyny taýarlardy jalǵan qujatpen zańsyz satyp kelgen, dep habarlaıdy QazAqparat.
Qarjy monıtorıngi komıtetiniń Atyraý oblysy boıynsha ekonomıkalyq tergeý departamenti zańsyz kásipkerlikpen aınalysqan oblys turǵynyna qatysty qylmystyq isti tergep bitti.
Aıyptalýshy zańdy kásipkerlik qyzmet túrin kórsetý maqsatynda eki kásiporyn atynan taýarlarǵa jalǵan býhgalterlik qujat (shot- faktýralar, taýarlardy basqa jaqqa jiberýge júkqujat jáne halyqaralyq taýarǵa ilespe júkqujat) daıyndaǵan, sodan keıin taýardy shetelge joǵary baǵamen satqan.
Atyraý qalasy №2 sotynyń úkimimen ol QR QK 214-baby 2-bóliminde jáne 385-baby 1-bóliminde qarastyrylǵan qylmysty jasaǵany úshin kináli dep tanyldy.
Oǵan 2 500 AEK mólsherinde aıyppul salyndy, sondaı-aq 12 mıllıon teńgeniń taýary memleket paıdasyna aınaldyryldy.