Atyraý oblysynda volonterler jeti balaly otbasyǵa úı syılady
Erli-zaıypty Talap pen Sara Alfarıtovtar jeti bala tárbıelep otyr. Olar 30 sharshy metrlik baspanada turady. Otaǵasy Talap Alfarıtov – ekinshi toptaǵy múgedek, eńbekke jaramsyz. Al, áıeli Sara jumys istemeıdi. Bala tárbıesimen otyr.
Otbasynyń úlken qyzynyń tárbıesinde jalǵyz bala bar. Uly – kolledj stýdenti. Ózge balalary mektepte oqıdy.
«Bul otbasynyń turmysyn zerttep kórdik. Ózderiniń baspana satyp alýǵa jaǵdaıy kótermeıdi. Sol sebepten, Inder aýdanynyń eriktileri vıdeo túsirip, áleýmettik jelige taratty. Birneshe kúnde úı satyp alýǵa qajetti qarjy jınaldy. Baspana Inder aýdanyndaǵy Órlik aýylynan satyp alyndy. Óıtkeni, bul otbasy osy aýylda turady. Satyp alynǵan úı jeti bólmeli, barlyq jıhazben jabdyqtaldy. Sondaı-aq, aýlada garaj, monsha bar. Úı dýalmen qorshalǵan», - deıdi volonter Ashat Tantaev.
Onyń aıtýynsha, bul qınalǵan jandar úshin satyp alynǵan alǵashqy úı emes. Ótken jyly osyndaı kómek aýyldyń ózge turǵynyna kórsetilgen.
Eske sala ketelik, budan buryn Atyraý oblysynda turmysy tómen otbasylarǵa turǵyn úı berilgenin habarlaǵan bolatynbyz.