Atyraý oblysynda úsh aptada 908 adam koronavırýs juqtyrǵan
Oblystyq sanıtarııalyq-epıdemıologııalyq baqylaý departamentiniń bólim basshysy Gúldana Bısenbaıdyń aıtýynsha, qaýipti vırýs adamdar kóp shoǵyrlanatyn oryndarda juqqan.
«Atyraý «jasyl» aımaqta bolǵanmen, bul qaýipti vırýstyń taralýy toqtady degendi bildirmeıdi. Taldaý kórsetkendeı, koronavırýs ınfektsııasynyń taralýynyń basty sebebi – turǵyndardyń saqtyq sharalaryn elemeı, adamdar kóp jınalatyn oryndarǵa barýy. Qaýipti vırýs kóp taralatyn oshaqtyń qatarynda saýda úıleri, bazar men medıtsınalyq mekemeler, qoǵamdyq tamaqtaný, túngi klýb, toı-sadaqa ótetin oryndar bar. Máselen, 1-23 aqpan aralyǵynda Atyraý oblysynda koronavırýs ınfektsııasyn juqtyrýdyń 908 deregi tirkeldi. Sondaı-aq, COVID-19 ınfektsııasynyń belgisi naýqastarmen jaqyn qarym-qatynasta bolǵandar, qoǵamdyq kólikti jıi qoldanýshylar, vahtalyq kent jumysshylary arasynda keńinen taralyp otyr», -deıdi Gúldana Bısenbaı.
Eske sala ketelik, budan buryn Atyraý oblysynda koronavırýs juqtyrǵan eki adam qaıtys bolǵanyn jazǵan edik.