Atyraý oblysynda turǵyndardyń 60 paıyzy vaktsına saldyrdy

ATYRAÝ. QazAqparat – Atyraý oblysynda ekpe alý tizimine engen turǵyndardyń 60 paıyzy vaktsınanyń tolyq eki komponentin saldyrdy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, 1 aqpannan beri koronavırýs ınfektsııasy vaktsınasynyń I komponentin 243 085 adam ektirgen. Bul oblysta vaktsına alýǵa jatatyn turǵyndardyń jalpy sanynyń 66%-y.

«Óńirde vaktsınanyń II komponentin alǵan adamdardyń sany 220 341-ge jetti. Bul – vaktsına saldyrýshy tizimine engen kontıngenttiń 60%-y. Ekpe alýdyń joǵary kórsetkishi Atyraý qalasy (67,3%) men Qyzylqoǵa aýdanynda (62,4%) tirkelip otyr. Al, tómen kórsetkish Mahambet (54,7%) jáne Jylyoı aýdanynda (37,1%) baıqaldy», - dep málim etti basqarmanyń baspasóz qyzmetinen.

Osyǵan oraı vaktsına alýǵa baılanysty kórsetkishi tómen aýdandarda aqparattyq-túsindirý jumysyn jandandyrý týraly sheshim qabyldanǵan.

Eske sala ketelik, budan buryn Atyraý oblysynda myńǵa jýyq adam vaktsınanyń eki komponentin alǵanyn jazǵan bolatynbyz.