Atyraý oblysynda tórt júk vagony relsten shyǵyp ketti

ATYRAÝ. QazAqparat - Atyraý oblysynda tórt júk vagony relsten shyǵyp ketti. Qurbandar men zardap shekkender joq, dep habarlaıdy QazAqparat tilshisi.

Aımaqtaǵy Maqat aýdany ákimdigi baspasóz qyzmetiniń habarlaýynsha, 4 qazan kúni keshkisin Maqat vokzalynda tórt júk vagony temirjoldan shyǵyp ketken.

Qurbandar men zardap shekkender joq. Relsten shyǵý bólek jelide bolǵan, sondyqtan ol basqa poıyzdardyń qozǵalysyna áser etken joq. Bul derek boıynsha barlyq múddeli memlekettik organdar der kezinde habardar etildi. Qazir oqıǵanyń sebepterin anyqtaý jumystary júrgizilip, qalpyna keltirý jumystary bastaldy.