Atyraý oblysynda tekserilgen ǵımarattardyń 88% terrorızmnen qorǵalmaǵan
Atyraý oblysynda adamdar jappaı jınalatyn nysandardyń tek 12% qaýipsizdik normalaryna saı keledi, dep málim etti Atyraý oblystyq ІІD basshysy Aıan Dúısembaev.
«Oblystaǵy ІІD qyzmetkerleri terrorıstik qatynastarǵa osal nysandardy tekserdi. Óńirde ondaı nysandary sany 883. Onyń ishinde 92 nysany (12%) adamdar jıi jınalatyn oryndar - bazarlar, meıramhanalar, saýda ortalyqtary - qaýipsizdik parametrlerine sáıkes keledi»,-dedi departament basshysy.
Onyń aıtýynsha, atalmysh nysandardyń basshylary bul máseleniń sheshimine túsinistikpen qaraýy tıis.
«Bul azamattardyń qaýipsizdigine qatysty másele. Keı jerlerde vıdeobaqylaý kameralarynan taspa alatyn kezde kedergiler týyndap jatady. Ásirese, qylmys bolǵan kezde. Onyń sebepteri ártúrli. Biz kásipkerlerdiń qyzmetine aralaspaımyz. Biraq, zań boıynsha kásipkerlik qyzmetke lıtsenzııany toqtatý týraly máseleni kótere alamyz», - dep atap ótti A.Dúısembaev.