Atyraý oblysynda tamyz bastalǵaly 3 770 nysan tekserildi
Oblystyq sanıtarııalyq-epıdemıologııalyq baqylaý departamenti baspasóz qyzmetiniń málimetinshe, 64 mobıldi top 1 qańtar-23 tamyz aralyǵynda 11 866 reıdtik tekserý ótkizip, 48 764 nysandy qamtyǵan.
«Jyl basynan beri monıtorıngtik toptardan karantındik shekteý sharalaryn buzýǵa qatysty 812 hattama tústi. Soǵan baılanysty shaǵyn jáne orta bıznes nysandary men jeke tulǵalarǵa QR Ákimshilik quqyqbuzýshylyq týraly Kodeksiniń 425-babynyń 1-bóligimen 540 aıyppul salyndy. Al, 1-23 tamyz aralyǵynda 830 reıd júrgizilip, 3 770 nysan tekserildi. Monıtorıngtik toptardan karantın talabyn buzýshylarǵa qatysty 186 materıal tústi» -dep habarlady departamenttiń baspasóz qyzmeti.
Eske sala ketelik, budan buryn Atyraýda polıtseıler meıramhanalarǵa táýlik boıy baqylaý júrgizetinin habarlaǵan bolatynbyz.