Atyraý oblysynda sońǵy táýlikte 73 adam koronavırýs juqtyrdy

ATYRAÝ. QazAqparat – Atyraý oblysynda sońǵy táýlikte 73 adam koronavırýs juqtyrdy, dep habarlaıdy QazAqparat.

Oblystyq densaýlyq saqtaý basqarmasy baspasóz qyzmetiniń málimetine qaraǵanda, 9 qańtarda 54, al keshe, 10 qańtarda 73 adamnan koronavırýs ınfektsııasy anyqtalyp otyr.

«Sońǵy bir táýlikte qaýipti indetke shaldyqqan naýqastardyń 18-i Atyraý qalasynda

tirkeldi. Sondaı-aq, Teńiz kenishinde 50 jumysshydan, Jylyoı aýdanynda – 3, Qyzylqoǵada –1, Qurmanǵazy aýdanynda 1 adamnan koronavırýs anyqtaldy. Covid-19 vırýsy 16 naýqasta sımptomdy túrde ótýde. Ótken táýlikte koronavırýs ınfektsııasynan 53 adam emdelip shyqty», - dep habarlady basqarmanyń baspasóz qyzmeti.

Qazir úı jaǵdaıynda emdelýshiler qataryn 243 adam quraıdy. Al oblystyq ınfektsııalyq statsıonarda 108, aýdandardaǵy statsıonarlarda 32, Teńiz kenishindegi statsıonarda 812 adam em qabyldap jatyr.

Eske sala ketelik, budan buryn Atyraý oblysy «qyzyl» aımaqqa engen edi.